ഗ്ലാസ്ഗോയിൽ നടന്ന 2026 കോമൺവെൽത്ത് ഗെയിംസിന് സമാപനമായി.
ക്ളോസിംഗ് സെർമണി ഇന്ന് രാത്രി 9 മണിക്ക് (BST).
ഇന്ത്യകാർക്ക് തിങ്കളാഴ്ച 1:30 (IST) പുലർച്ചയ്ക്കും വീക്ഷിക്കാനാകും
അവസാന മത്സരങ്ങളും പൂർത്തിയാക്കുമ്പോൾ
ഇന്ത്യ 13 സ്വർണം, 17 വെള്ളി, 9 വെങ്കലം ഉൾപ്പെടെ ആകെ 39 മെഡലുകളുമായി മെഡൽ പട്ടികയിൽ നാലാം സ്ഥാനത്താണ് ഫിനിഷ് ചെയ്തത്.
മത്സരങ്ങളുടെ അവസാന രണ്ട് ദിവസങ്ങളിലെ അതിഗംഭീര പ്രകടനമാണ് ഇന്ത്യയെ നാലാം സ്ഥാനത്തേക്ക് ഉയർത്തിയത്.
ഏറ്റവും ശ്രദ്ധേയമായത് ബോക്സിംഗ് താരങ്ങളുടെ പ്രകടനമായിരുന്നു. ഒരു ദിവസം മാത്രം ഏഴ് സ്വർണമെഡലുകൾ ഉൾപ്പെടെ പത്ത് മെഡലുകൾ ബോക്സിംഗ് റിങ്ങിൽ നിന്ന് ഇന്ത്യ സ്വന്തമാക്കി. അത്ലറ്റിക്സ്, പാരാ അത്ലറ്റിക്സ്, ജൂഡോ തുടങ്ങിയ ഇനങ്ങളിലും ഇന്ത്യൻ താരങ്ങൾ മെഡൽവേട്ട തുടർന്നതോടെ രാജ്യത്തിന്റെ മെഡൽനേട്ടം 39 ആയി ഉയർന്നു.
ഇന്ത്യയുടെ അന്തിമ മെഡൽ നില
സ്വർണം – 13
വെള്ളി – 17
വെങ്കലം – 9
ആകെ 39 മെഡലുകൾ
മെഡൽ പട്ടികയിൽ നാലാം സ്ഥാനം
ബോക്സിംഗിൽ ചരിത്രനേട്ടം
ഇന്ത്യയുടെ മെഡൽവേട്ടയിൽ നിർണായക പങ്കുവഹിച്ചത് ബോക്സിംഗ് താരങ്ങളാണ്. അവസാനഘട്ടത്തിൽ ഏഴ് സ്വർണമെഡലുകൾ ഉൾപ്പെടെ പത്ത് മെഡലുകൾ സ്വന്തമാക്കിയ ഇന്ത്യൻ ബോക്സർമാർ ഗെയിംസിലെ ഏറ്റവും മികച്ച പ്രകടനങ്ങളിലൊന്ന് കാഴ്ചവച്ചു. ഇന്ത്യൻ ബോക്സിംഗിന്റെ ചരിത്രത്തിലെ തന്നെ ഏറ്റവും മികച്ച കോമൺവെൽത്ത് പ്രകടനങ്ങളിലൊന്നായാണ് ഇത് വിലയിരുത്തപ്പെടുന്നത്.
അത്ലറ്റിക്സിലും പാരാ ഇനങ്ങളിലും തിളക്കം
ട്രാക്ക് ആൻഡ് ഫീൽഡിലും പാരാ അത്ലറ്റിക്സിലും ഇന്ത്യ മികച്ച നേട്ടം കൈവരിച്ചു. നിരവധി മെഡലുകൾ സ്വന്തമാക്കിയ ഇന്ത്യൻ താരങ്ങൾ മെഡൽ പട്ടികയിൽ രാജ്യത്തിന്റെ മുന്നേറ്റത്തിന് നിർണായക സംഭാവന നൽകി. ജൂഡോയിലും ഇന്ത്യക്ക് വെങ്കലനേട്ടമുണ്ടായി.
ഓസ്ട്രേലിയ വീണ്ടും ഒന്നാമത്
മെഡൽ പട്ടികയിൽ ഓസ്ട്രേലിയ ഒന്നാം സ്ഥാനവും ഇംഗ്ലണ്ട് രണ്ടാം സ്ഥാനവും കാനഡ മൂന്നാം സ്ഥാനവും നേടി. ഇന്ത്യ നാലാം സ്ഥാനത്ത് മത്സരങ്ങൾ അവസാനിപ്പിച്ചു.
അഭിമാനത്തോടെ മടങ്ങുന്ന ഇന്ത്യൻ സംഘം
പരിമിതമായ കായിക ഇനങ്ങൾ മാത്രമുണ്ടായിരുന്ന ഇത്തവണത്തെ കോമൺവെൽത്ത് ഗെയിംസിലും ഇന്ത്യ മികച്ച പ്രകടനമാണ് പുറത്തെടുത്തത്. പ്രത്യേകിച്ച് ബോക്സിംഗ്, അത്ലറ്റിക്സ്, ഭാരോദ്വഹനം, പാരാ ഇനങ്ങൾ എന്നിവയിൽ ഇന്ത്യൻ താരങ്ങൾ നടത്തിയ മുന്നേറ്റം വരാനിരിക്കുന്ന അന്താരാഷ്ട്ര മത്സരങ്ങൾക്കും വലിയ ആത്മവിശ്വാസമാണ് നൽകുന്നത്. 39 മെഡലുകളുമായി നാലാം സ്ഥാനത്ത് ഗെയിംസ് അവസാനിപ്പിച്ച ഇന്ത്യൻ സംഘം രാജ്യത്തിന് അഭിമാന നേട്ടമാണ് സമ്മാനിച്ചിരിക്കുന്നത്.
