ഫിഫ ലോകകപ്പ് റൗണ്ട് ഓഫ് 32 പോരാട്ടത്തിൽ നിലവിലെ ചാമ്പ്യൻമാരായ അർജന്റീന ശക്തമായ വെല്ലുവിളി ഉയർത്തിയ കേപ് വെർദെയെ 3-2ന് കീഴടക്കി പ്രീക്വാർട്ടറിലേക്ക് മുന്നേറി. മത്സരത്തിന് മുന്നോടിയായി അർജന്റീനയെ അട്ടിമറിക്കുമെന്ന് ആത്മവിശ്വാസം പ്രകടിപ്പിച്ചിരുന്ന കേപ് വെർദെ അവസാന വിസിൽവരെ പൊരുതി നിന്നെങ്കിലും, പരിചയസമ്പന്നരായ അർജന്റീനൻ താരങ്ങളുടെ മികവിന് മുന്നിൽ കീഴടങ്ങുകയായിരുന്നു.
ആവേശം നിറഞ്ഞ മത്സരത്തിൽ ഇരുടീമുകളും ആക്രമണ ഫുട്ബോൾ പുറത്തെടുത്തപ്പോൾ കേപ് വെർദെ അർജന്റീനയ്ക്ക് കടുത്ത സമ്മർദം സൃഷ്ടിച്ചു. എന്നാൽ നിർണായക നിമിഷങ്ങളിൽ ലഭിച്ച അവസരങ്ങൾ ഫലപ്രദമായി ഉപയോഗിച്ച അർജന്റീന വിജയം സ്വന്തമാക്കുകയായിരുന്നു.ഈ ജയത്തോടെ അർജന്റീന റൗണ്ട് ഓഫ് 16-ലേക്ക് യോഗ്യത നേടി. അടുത്ത ഘട്ടത്തിൽ അർജന്റീനയുടെ എതിരാളികൾ ഈജിപ്റ്റ് ആയിരിക്കും. റൗണ്ട് ഓഫ് 16 പോരാട്ടം ജൂലൈ 7-നാണ് നടക്കുക
