ദുരന്തം നടന്ന് മൂന്ന് വർഷം പിന്നിട്ടിട്ടും, വയനാടിന്റെ കണ്ണീർ ഇനിയും ഉണങ്ങിയിട്ടില്ല.
ഒരു രാത്രി കൊണ്ട് ജീവിതമൊന്നാകെ തകർന്നുപോയ നൂറുകണക്കിന് മനുഷ്യരുടെ വേദന ഇന്നും ഓരോ മലയാളിയുടെയും മനസ്സിൽ മായാത്ത ഓർമയാണ്.
സ്വപ്നങ്ങളും, വീടുകളും, പ്രിയപ്പെട്ടവരും ഒരു നിമിഷം കൊണ്ട് മണ്ണിനടിയിലായി. ചിലർക്ക് സ്വന്തം കുടുംബത്തെ മുഴുവനായി നഷ്ടമായി. ചിലർ ജീവൻ മാത്രം ബാക്കിയാക്കി ദുരന്തത്തെ അതിജീവിച്ചു. ഇന്നും പ്രിയപ്പെട്ടവരെ കാത്തിരിക്കുന്ന ഹൃദയങ്ങളുണ്ട്.
അമ്മയെയും അച്ഛനെയും മക്കളെയും സഹോദരങ്ങളെയും നഷ്ടപ്പെട്ടവരുടെ നിലവിളികൾ ഇന്നും വയനാടിന്റെ മലനിരകളിൽ പ്രതിധ്വനിക്കുന്നതുപോലെ തോന്നും.
ആ ദുരന്തം നമ്മെ പഠിപ്പിച്ചത് മറ്റൊന്നുമല്ല… മനുഷ്യജീവന്റെ വിലയും, കൈകോർത്തുനിൽക്കുന്ന മനുഷ്യസ്നേഹത്തിന്റെ ശക്തിയുമാണ്. ജാതിയും മതവും രാഷ്ട്രീയവും മറന്ന് കേരളം ഒന്നായി വയനാടിനൊപ്പം നിന്ന ദിവസങ്ങളായിരുന്നു അത്.
ദുരന്തത്തിന്റെ മുറിവുകൾ ഇന്നും പൂർണമായി ഉണങ്ങിയിട്ടില്ല. പുനരധിവാസം കാത്ത് ഇന്നും വാടകവീടുകളിലും താത്കാലിക താമസകേന്ദ്രങ്ങളിലുമായി കഴിയുന്ന അനേകം കുടുംബങ്ങളുണ്ട്. അവരുടെ ജീവിതം പഴയപടിയാകാൻ ഇനിയും ദൂരം ബാക്കിയുണ്ട്.
വയനാടിന്റെ ഓർമകൾക്കുമുന്നിൽ വേദനയോടെ ,ആദരവോടെ തലകുനിക്കുന്നു.
ആ ദുരന്തത്തിൽ ജീവൻ നഷ്ടമായ ഓരോ ആത്മാവിനും Malayaladhwani.com-ന്റെ ആദരാഞ്ജലികൾ.
മറക്കില്ല… വയനാടിനെ.
മറക്കില്ല… ആ മനുഷ്യരെയും അവരുടെ കണ്ണീരിനെയും.
