കണ്ണൂർ വാരിയേഴ്‌സ് ഇന്ന് കാലിക്കറ്റ് എഫ്‌സിക്കെതിരെ; കണ്ണൂരിൽ തീപാറും പോരാട്ടം

സൂപ്പർ ലീഗ് കേരള സീസൺ 3ൽ കണ്ണൂർ വാരിയേഴ്‌സ് ഇന്ന് കാലിക്കറ്റ് എഫ്‌സിയെ നേരിടും. കണ്ണൂർ ജവഹർ സ്റ്റേഡിയത്തിൽ രാത്രി 7.30നാണ് മത്സരം

സ്വന്തം തട്ടകത്തിൽ കണ്ണൂർ വാരിയേഴ്‌സ്; എതിരാളികൾ കാലിക്കറ്റ് എഫ്‌സി

“ഇന്നത്തെ സൂപ്പർ ലീഗ് കേരള മത്സരത്തെ ഏറെ പ്രതീക്ഷയോടെയാണ് ഞങ്ങൾ കാണുന്നത്. സ്വന്തം കാണികൾക്ക് മുന്നിൽ മികച്ച പ്രകടനം കാഴ്ചവെച്ച് ടീമിന്റെ മികവ് തെളിയിക്കുകയാണ് ലക്ഷ്യം. പ്രൊഫഷനിലിസവും ,കളിക്കാരുടെ ആത്മവിശ്വാസവും കൂട്ടായ പരിശ്രമവും ഞങ്ങളുടെ കരുത്താണ്. ആരാധകരുടെ അകമഴിഞ്ഞ പിന്തുണ ടീമിന് വലിയ പ്രചോദനമാണ്. ആവേശകരവും നിലവാരമുള്ളതുമായ മത്സരം കാഴ്ചവെക്കാൻ കണ്ണൂർ വാരിയേഴ്‌സ് തയ്യാറാണ്.” ഖത്തറില്‍ വ്യവസായിയും കണ്ണൂര്‍ വാരിയേഴ്സ് ക്ലബ്ബ് ഡെയറക്ടറുമായ മിബു ജോസ് ദോഹയിൽ മലയാളധ്വനിയോട് പറഞ്ഞു.

കണ്ണൂർ: സൂപ്പർ ലീഗ് കേരള സീസൺ 3ൽ കണ്ണൂർ വാരിയേഴ്‌സ് എഫ്‌സി ഇന്ന് കാലിക്കറ്റ് എഫ്‌സിയെ നേരിടും. കണ്ണൂർ മുനിസിപ്പൽ ജവഹർ സ്റ്റേഡിയത്തിൽ രാത്രി 7.30നാണ് മത്സരം നിശ്ചയിച്ചിരിക്കുന്നത്. സ്വന്തം കാണികൾക്ക് മുന്നിൽ കളത്തിലിറങ്ങുന്ന നിലവിലെ ചാമ്പ്യന്മാരായ കണ്ണൂർ വാരിയേഴ്‌സിന് ഈ മത്സരം നിർണായകമാണ്.

സെപ്റ്റംബർ 25ന് ആരംഭിച്ച മൂന്നാം സീസണിൽ കേരളത്തിലെ ആറ് ഫ്രാഞ്ചൈസി ടീമുകളാണ് കിരീടത്തിനായി മത്സരിക്കുന്നത്. കണ്ണൂർ വാരിയേഴ്‌സും കാലിക്കറ്റ് എഫ്‌സിയും തമ്മിലുള്ള പോരാട്ടം പോയിന്റ് പട്ടികയിലെ മുന്നേറ്റത്തിനും ടീമുകളുടെ ആത്മവിശ്വാസത്തിനും നിർണായകമാകാം.

സ്വന്തം മൈതാനത്ത് ആരാധകരുടെ പിന്തുണ വാരിയേഴ്‌സിന് കരുത്താകുമെന്നാണ് പ്രതീക്ഷ. മറുവശത്ത്, കാലിക്കറ്റ് എഫ്‌സിയും മികച്ച പ്രകടനത്തിലൂടെ പോയിന്റുകൾ സ്വന്തമാക്കാനായിരിക്കും ശ്രമിക്കുക. മത്സരത്തിന്റെ ഫലം ടീമുകളുടെ തുടർന്നുള്ള യാത്രയെ സ്വാധീനിക്കും.

ഒക്ടോബർ 17ന് നടന്ന മത്സരത്തിൽ മലപ്പുറം എഫ്‌സി തൃശൂർ മാജിക് എഫ്‌സിയെ 4–0ന് തോൽപ്പിച്ചിരുന്നു. ഒക്ടോബർ 16ന് ഫോർസ കൊച്ചി എഫ്‌സി തിരുവനന്തപുരം കൊമ്പൻസിനെ 3–0നും പരാജയപ്പെടുത്തി. ഇതോടെ ലീഗിലെ പോരാട്ടം കൂടുതൽ ശ്രദ്ധേയമായി.

Malayaladhwani.com The Global Voice of Kerala
മലയാളത്തിന്റെ ശബ്ദം ലോകമെങ്ങും