കൊച്ചി: മുൻ ഇന്ത്യൻ ക്രിക്കറ്റ് താരം എസ് ശ്രീശാന്തിനെതിരെ ഏർപ്പെടുത്തിയിരുന്ന വിലക്ക് കേരള ക്രിക്കറ്റ് അസോസിയേഷൻ പിൻവലിച്ചു.
സംഘടനയുടെ യോഗത്തിലാണ് വിലക്ക് പിൻവലിക്കാൻ തീരുമാനമായത്.
സംഘടനയ്ക്ക് അപകീർത്തി വരുത്തുന്ന തരത്തിൽ ദൃശ്യ സാമൂഹിക മാധ്യമങ്ങളിലൂടെ പരാമർശങ്ങൾ നടത്തിയെന്ന ആരോപണത്തെ തുടർന്നാണ് ശ്രീശാന്തിനെതിരെ നേരത്തെ മൂന്ന് വർഷത്തെ വിലക്ക് കേരള ക്രിക്കറ്റ് അസോസിയേഷൻ ഏർപ്പെടുത്തിയിരുന്നത്. സംഘടനയുടെ അന്തസ്സിനും വിശ്വാസ്യതയ്ക്കും തിരിച്ചടിയാകുന്ന തരത്തിലുള്ള പൊതുപ്രസ്താവനകളാണ് നടപടിക്ക് കാരണമായതെന്നായിരുന്നു അന്ന് കെസിഎയുടെ വിശദീകരണം.
മൂന്ന് വർഷത്തെ വിലക്കിനിടെ വിഷയം കായികരംഗത്ത് വ്യാപക ചർച്ചയായിരുന്നു. ഏറ്റവും പുതിയ തീരുമാനത്തോടെ ശ്രീശാന്തിനെതിരായ അച്ചടക്കനടപടി പിൻവലിച്ചിരിക്കുകയാണ്. ഇതോടെ കേരള ക്രിക്കറ്റുമായി ബന്ധപ്പെട്ട പ്രവർത്തനങ്ങളിൽ അദ്ദേഹത്തിന് വീണ്ടും പങ്കെടുക്കാനുള്ള തടസ്സം നീങ്ങിയിരിക്കുകയാണ്.
വിലക്ക് പിൻവലിച്ച സാഹചര്യത്തിൽ ശ്രീശാന്തിന്റെയോ കേരള ക്രിക്കറ്റ് അസോസിയേഷന്റെയോ ഭാഗത്തുനിന്നുള്ള ഔദ്യോഗിക പ്രതികരണത്തിനായി കായികലോകം കാത്തിരിക്കുകയാണ്.
ശ്രീശാന്തിന്റെ വിലക്ക് കേരള ക്രിക്കറ്റ് അസോസിയേഷൻ പിൻവലിച്ചു; വിലക്കേർപ്പെടുത്തിയിരുന്നത് മൂന്ന് വർഷത്തേക്ക്
