ഇന്ത്യ റഷ്യ സാങ്കേതിക സഹകരണത്തിന് പുതിയ സാധ്യതകൾ തുറക്കുന്നതാണ് ഇന്ത്യൻ സ്റ്റാർട്ടപ്പുകളുടെ പങ്കാളിത്തം
മോസ്കോ: ഇന്ത്യൻ റോബോട്ടിക്സ്, അഗ്രിടെക്, മെഡ്ടെക് മേഖലകളിലെ സ്റ്റാർട്ടപ്പുകൾ തങ്ങളുടെ സാങ്കേതിക ശേഷിയും നൂതന ആശയങ്ങളും മോസ്കോ സ്റ്റാർട്ടപ്പ് സമ്മിറ്റിൽ അവതരിപ്പിച്ചു.
സാങ്കേതിക സംരംഭകത്വത്തിനും ഓപ്പൺ ഇന്നൊവേഷനും പ്രാധാന്യം നൽകിയ രണ്ടുദിവസത്തെ സമ്മേളനം മോസ്കോ സർക്കാരും റഷ്യയിലെ പ്രമുഖ ബാങ്കായ സ്ബർബാങ്കും ചേർന്നാണ് സംഘടിപ്പിച്ചത്.
സെപ്റ്റംബർ 29, 30 തീയതികളിൽ സ്ബർസിറ്റിയിൽ നടന്ന രണ്ടാം മോസ്കോ സ്റ്റാർട്ടപ്പ് സമ്മിറ്റിൽ വിവിധ രാജ്യങ്ങളിൽ നിന്നുള്ള സ്റ്റാർട്ടപ്പുകളും നിക്ഷേപകരും സാങ്കേതിക വിദഗ്ദ്ധരും പങ്കെടുത്തു. 100-ലേറെ സാങ്കേതിക പരിഹാരങ്ങൾ പ്രദർശനത്തിൽ അവതരിപ്പിച്ചതായി മോസ്കോ അധികൃതർ അറിയിച്ചു.
റോബോട്ടിക്സ്, കൃഷി-ഭക്ഷ്യ സാങ്കേതികവിദ്യ, മെഡിസിൻ ബയോടെക്നോളജി തുടങ്ങിയ മേഖലകൾക്കായിരുന്നു സമ്മിറ്റിൽ പ്രത്യേക ശ്രദ്ധ. വ്യവസായ മേഖലയിലെ ഓട്ടോമേഷൻ, കൃഷിയിലെ ഉൽപ്പാദനക്ഷമത വർധിപ്പിക്കുന്ന സാങ്കേതികവിദ്യകൾ, ആരോഗ്യരംഗത്തെ ഡിജിറ്റൽ സംവിധാനങ്ങൾ തുടങ്ങിയവ പ്രദർശനത്തിലെ പ്രധാന ആകർഷണങ്ങളായി.
അന്താരാഷ്ട്ര എസ്‌ബർ500 ആക്സിലറേറ്ററിന്റെ ഫൈനലിലും ഇന്ത്യ ഉൾപ്പെടെ വിവിധ രാജ്യങ്ങളിൽ നിന്നുള്ള സ്റ്റാർട്ടപ്പുകൾ പങ്കെടുത്തു. മെഡിസിൻ ബയോടെക്നോളജി, കൃഷി ഭക്ഷ്യ മേഖല, സ്മാർട്ട് ഉപകരണങ്ങൾ-റോബോട്ടിക്സ് തുടങ്ങിയ അഞ്ച് പ്രധാന മേഖലകളിലായിരുന്നു ഫൈനലിസ്റ്റുകളുടെ അവതരണങ്ങൾ.