കൊച്ചി: സൗദി അറേബ്യയിലെ റിയാദിലുള്ള കിങ് ഖാലിദ് അന്താരാഷ്ട്ര വിമാനത്താവളത്തിൽ ഹൂതി ആക്രമണം ഉണ്ടായെന്ന റിപ്പോർട്ടുകൾക്കു പിന്നാലെ കേരളത്തിൽ നിന്നുള്ള വിമാന സർവീസുകൾ റദ്ദാക്കി. കൊച്ചിയിൽ നിന്നും കരിപ്പൂരിൽ നിന്നുമുള്ള സൗദി സർവീസുകളെയാണ് തീരുമാനം ബാധിച്ചത്.
കൊച്ചിയിൽ നിന്ന് സൗദി അറേബ്യയിലേക്കുള്ള ആറ് വിമാന സർവീസുകളാണ് റദ്ദാക്കിയത്. ഇതിൽ നാളത്തേക്കായി നിശ്ചയിച്ച മൂന്ന് സർവീസുകളും ചൊവ്വാഴ്ച നടത്തേണ്ട റിയാദ്–കൊച്ചി ആകാശ എയർ സർവീസും ഉൾപ്പെടുന്നു.
സർവീസുകൾ റദ്ദാക്കിയതോടെ സൗദിയിലേക്ക് യാത്ര ചെയ്യാനിരുന്ന നിരവധി യാത്രക്കാരെ തീരുമാനം ബാധിച്ചേക്കും. യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് ബന്ധപ്പെട്ട വിമാനക്കമ്പനികളുമായി ബന്ധപ്പെട്ട് സർവീസുകളുടെ പുതുക്കിയ വിവരം ഉറപ്പാക്കണം.
കരിപ്പൂരിൽ നിന്നുള്ള സർവീസുകളെ ബാധിച്ച വിവരങ്ങളും റദ്ദാക്കിയ വിമാനങ്ങളുടെ കൃത്യമായ സമയക്രമവും സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.